Япония Шимолий Кореяга қарши санкцияларни икки йилга узайтирди

Япония ҳукумати Шимолий Кореяга қарши бир томонлама санкцияларни икки йилга узайтириш ҳақида қарор қабул қилди. Бу ҳақда РИА «Новости» «Киодо» агентлигига асосан хабар берди.

Таъкидланишича, санкциялар КХДРдан Японияга маҳсулотлар импортини бутунлай тақиқлаш ва Япония портларига Шимолий Корея кемаларини киритмасликни назарда тутади.

5 апрель куни Япония бош вазири Синдзо Абэ КХДР томонидан янги ракетанинг учирилиши - жиддий фитна ҳаракати эканини маълум қилди.

Аввалроқ Шимолий Корея Япон денгизи томон ракета учиргани ҳақида хабар бергандик.