Петербург метросидаги портлаш ташкилотчиси сифатида қўлга олинган Аброр Азимовнинг акаси Акрам Азимов укасига кўрсатма берган.
«Тергов вақтида Азимов укаси билан биргаликда портлашга олиб келувчи ҳаракатларни содир этганини тан олди. У укасига кўрсатма берган»,— дея Москва судидаги ўқилган тергов баённомасидан иқтибос келтирган «РИА Новости». Шу билан бирга Акрам Азимов терактга алоқадорлигини рад этган.
Эндиликда у ҳибсга олиниши мумкин.
Акрам Азимов 19 апрель куни аввалига Қирғизистондан Россияга депортация қилинди. У кўп ўтмасдан Москвада ФСБ ходимлари томонидан қўлга олинди. У теракт ташкилотчилиги учун сарфланган маблағни етказиб беришда гумон қилинмоқда. Бу терактга халқаро террорчи гуруҳлар алоқадорлиги айтилмоқда.
17 апрель куни Акрам Азимовнинг укаси Аброр Азимов ҳам Москвада қўлга олинганди. У Петербургдаги теракт ижрочилигидаги асосий гумондор Акбаржон Жалиловни терактга тайёрлагани гумон қилинган.
ФСБ томошаси. Азимов Ўшда қўлга олинган, кейин Москвада бошқатдан қўлга олинган