Корея ва АҚШ Max Thunder ҳарбий авиация машғулотларини ўтказмоқда

Корея республикасида Жанубий Корея-Америка ҳарбий-ҳаво кучларининг ҳамкорликдаги Max Thunder машғулотлари фаол босқичга кирди. Бу ҳақда мамлакат миллий мудофаа вазирлиги маълум қилди. 

"Машғулотларда АҚШнинг 7-ҳаво армияси ва Жанубий Корея ҲҲКнинг 100га яқин самолётлари – қирувчи, ҳужумчи, бомбардимончи, транспорт ва ҳаво разведкаси самолётлари иштирок этмоқда", - дейилади ҳужжатда. 28 апрелга қадар давом этадиган машғулотларда КХДР томонидан турли фитналарга қарши ҳаракатлар, хусусан, юқори аниқликда бомба ташлаш, рақиб ҲҲМ тизимига чап бериш кабилар юзасидан кўникмалар ҳосил қилинади. 

Max Thunder машғулотлари 2009 йилдан буён Кореяда ўтказиб келинади.