«Тоттенҳэм» ўз рекордини янгилади

«Тоттенҳэм» футбол клуби АПЛнинг 28-тури доирасида меҳмонда кечган баҳсда «Кристал Пэлас»ни 1:0 ҳисобида мағлуб этди. Лондонликлар ушбу ғалаба туфайли 74 очко жамғаришди ҳамда турнир жадвалида етакчилик қилаётган «Челси»га (78) янада яқинлашиб олишди.

Шу тариқа, «Тоттенҳэм» АПЛда бир мавсум давомида қўлга киритилган очколар сони бўйича ўз рекордини янгилади (1992/93 йилги мавсумдан бошлаб). Клубнинг аввалги энг яхши натижаси 2012/13 йилги мавсумда қайд этилган бўлиб, унда «Тоттенҳэм» 72 очко билан бешинчи ўринни эгаллаганди. Шу билан бирга, Маурисио Почеттино жамоасида бу мавсумда янада кўпроқ очко жамғариш учун бешта учрашув бор.