АҚШнинг собиқ давлат котиби Трампга танбеҳ берди

Фото: APA/APA (AFP)/JIM WATSON

АҚШнинг собиқ давлат котиби Мадлен Олбрайт АҚШ президенти Дональд Трампга Шимолий Корея раҳбари Ким Чен Ин билан учрашмоқчи эканлиги учун танбеҳ берди. Аввалроқ Трамп Bloomberg ахборот агентлигига берган интервьюсида агар вазият тақозо этса, Ким Чен Ин билан учрашишини ва бу у учун шараф бўлишини айтганди.

"Президент бирор давлатга тайёргарликсиз бормайди ва "шараф" сўзини ўз халқини ночорликда, назорат остида ушлаб турувчи кимсага нисбатан нотўғри қўлламоқда", деб айтган Олбрайт CNN телеканали эфирида.

Собиқ сиёсатчининг айтишича, Трамп ўз сўзлари қандай оқибатларга олиб келиши мумкинлигини англамай, жаҳон етакчилари билан шахсий муносабатларни йўлга қўйишга ҳаддан зиёд интилмоқда.

Тайёрлаган: Шуҳрат Раҳимов

#Дональд Трамп #Ким Чен Ин #Мадлен Олбрайт