Вашингтон ИШИД билан курашишнинг янги тактикасини қўлламоқчи

Фото:Фото: Handout/ ZUMAPRESS/ globallookpress

АҚШ бошчилигидаги коалиция Ироқ ва Сурияда ИШИДга қарши курашишнинг янги тактикасини қўллашга қарор қилди. Бу ҳақда брифингда Пентагон раҳбари Жеймс Мэттис маълум қилди.

Мэттиснинг айтишича, АҚШ президенти Дональд Трамп жангарилар билан курашиш стратегиясига иккита ўзгариш киритди. Трамп душманнинг заиф нуқталарига тажовузкорлик билан ва ўз вақтида зарба беришга буйруқ берди. Иккинчидан, у "жангарилар ўрнашиб олган жойлардан уларни сиқиб чиқариш тактикасини уларни таянч пунктларда қуршаб олиш тактикасига ўзгартиришни" талаб қилди.

Мэттиснинг айтишича, Трампнинг ушбу қарори жангариларнинг ўз юртларига қайтишларига йўл бермаслик истаги билан шартланган.

Тайёрлаган: Шуҳрат Раҳимов

#ИШИД #Вашингтон #тактика