Мэй Брюссель Буюк Британияга миллиардлаб пуллар тўлаши керак деб ҳисобламоқда
Британия бош вазири Тереза Мэй Брюссель Буюк Британиянинг Европа инвестицион банкидаги акциялари учун унинг мамлакатига миллиардлаб фунт стерлинг тўлаши керак, деб ҳисобламоқда. Бу ҳақда Telegraph нашри хабар бермоқда.
Мэйнинг фикрича, Буюк Британия Brexit бўйича музокаралар вақтидаги мажбуриятлар билан бир хилда кўрилиши керак бўлган молиявий ҳуқуқларга эга. "Бирлашган Қиролликда қандай мажбуриятлар бўлиши кераклиги ёки аввал тўланган пуллар ҳисобга олинганда бизда қандай ҳуқуқлар бўлиши мумкинлиги ҳақида кўп гаплар бўлмоқда. Биз ҳуқуқларимиз ҳам, мажбуриятларимиз ҳам инобатга олинишини аниқ кўрсатмоқдамиз", деб айтган Мэй нашрга берган интервьюсида.
Мэй Буюк Британия Европа Иттифоқи билан бир нечта йирик қўшма молиявий ва инвестицион лойиҳаларда иштирок этаётганини эслатиб ўтди. "Инвестицион банк, инвестицион жамғарма, яна бошқа соҳалар бор. Сиз билганингиздек, бу музокараларнинг муҳим қисми бўлади", деб якунлаган ўз фикрларини Мэй.
Нашрнинг таъкидлашича, Мэй Европа инвестицион банкидаги улушни сақлаб қолиш ҳақидаги истагини илк бор эслатиб ўтди. Қироллик ҳукуматидаги манбанинг маълум қилишича, Буюк Британиянинг банкдаги улуши тахминан 10 млрд еврога баҳоланади.
Аввалроқ ОАВда Европа Иттифоқи Brexit жараёнида Буюк Британиядан аввалроқ Лондон ўз зиммасига олган турли мажбуриятлар бўйича 100 млрд еврога яқин тўловларни талаб қилиши мумкинлиги маълум қилинганди.
Мавзуга оид
23:15 / 26.10.2024
Тамаки чекувчилар йилига 2,5 ҳафта камроқ ишлайди — тадқиқот
23:45 / 24.10.2024
Полшада Беларус орқали ноқонуний мигрантларни ташиш билан шуғулланган жиноий тўда аниқланди
20:25 / 23.10.2024
Британияда норовирусга қарши дунёдаги биринчи вакцинани синовдан ўтказиш бошланди
19:29 / 23.10.2024