Фото: AFP
«Толибон» ҳаракати Афғонистон жанубидаги ўтказиш-назорат пунктларида полициячиларга бир қатор ҳужумлар уюштирди ва бу ҳужумлар оқибатида камида 20 киши ҳалок бўлди. Бу ҳақда AFP хабар тарқатди.
«Бугун тонгда «Толибон»нинг енгил қуролланган ва оғир қуролли жангарилари бир вақтнинг ўзида мамлакат жанубида, Зобул вилояти Шоҳжой округида назорат-ўтказиш пунктларида мувофиқлаштирилган ҳужумларни амалга оширди ва камида 20 полициячи ҳалок бўлди», — дея вилоят губернатори Бисмилло Афғонмолнинг сўзларини келтирган Times of India.
