Клинтон Трампнинг президентлиги шармандалик билан тугаши мумкинлигини айтди

Фото: EPA

АҚШнинг собиқ давлат котиби Ҳиллари Клинтон Дональд Трампнинг президентлиги шармандалик ва импичмент билан тугаши мумкинлигини айтди. Клинтон бундай фикрни Массачусетс штатидаги Уэллесли-коллеж талабалари билан учрашувда билдириб ўтди.

Клинтон Трампнинг номини айтмай туриб, унинг президентлиги "унга қарши терговни олиб борган одамни ўз лавозимидан четлатгандан кейин адолатга қаршилик кўрсатиши сабабли шармандалик ва импичмент билан тугаши мумкинлигини" айтган.

Клинтон ўз нутқида Федерал қидирувлар бюросининг собиқ директори, 9 май куни Трамп томондан ўз лавозимидан бўшатилган Жеймс Комини назарда тутган.