Шавкат Мирзиёев Миср президенти ва халқига ҳамдардлик билдирди

Ўзбекистон Президенти Шавкат Мирзиёев 2017 йил 29 майда Миср Президенти Абдулфаттоҳ Ас-Сисига Ал-Минья вилоятида содир этилган мудҳиш террорчилик ҳаракати оқибатида қўплаб бегуноҳ одамларнинг ҳалок бўлиши ва жароҳат олиши муносабати билан ҳамдардлик мактубини йўллади.

Давлатимиз раҳбари Миср Президенти, дўстона Миср халқи ва ҳалок бўлганларнинг яқинларига самимий таъзия ва ҳамдардлик сўзлари билдириб, жароҳат олганларга тез фурсатларда соғайиб кетишларини тилаб қолди, деб хабар бермоқда Ташқи ишлар вазирлиги матбуот хизмати. 

Эслатиб ўтамиз, жангарилар томондан насроний-қибтийлар автобусига уюштирилган қуролли ҳужум оқибатида 28 киши ҳалок бўлган, 30 га яқин киши жароҳатланган.