Покистон-Ҳиндистон чегарасида 5 нафар ҳинд ҳарбийси ҳалок бўлди

Жамму ва Кашмир буҳсли ҳудуди чизиғида Покистон ҳарбийларининг жавоб ҳужуми натижасида 5 нафар ҳинд аскари ҳалок бўлди. Бу ҳақида Покистон ҲК Бош штаби маълумотига асосланиб, "Анадолу" агентлиги хабар берди. 

Воқеа Тата Пани ҳудудида рўй берган. Ҳинд ҳарбий хизматчилари орасида жароҳатланганлар бор. 

Манбага кўра, Покистон ҳарбий кучлари хатти-ҳаракатлари ҳинд томоннинг ўқ узишига жавобан амалга оширилган. Натижада 2 нафар тинч аҳоли вакили ҳам жароҳатланган. 

Ҳиндистон томон ушбу воқеа юзасидан ҳеч қандай баёнот бермади. 

Кашмир ҳудуди 1947 йилдан буён (икки мамлакат Буюк Британиядан мустақил бўлганидан сўнг) Ҳиндистон ва Покистон ўртасидаги баҳсли ҳудуд бўлиб қолмоқда.