Туркия Қатарга нима учун ҳарбийлар юбормоқда?

Қатар ташқи ишлар вазири Муҳаммад бин Абдураҳмон Ол Соний мамлакатда бутун Яқин Шарқ хавфсизлиги учун Туркия қўшинлари жойлаштирилишини айтди. Бу ҳақда Reuters ахборот агентлиги хабар бермоқда.

Туркия парламенти бир кун аввал турк ҳарбийларининг Қатардаги базада жойлаштирилишига рухсат берувчи ва Қатар жандармериясини ўқитиш бўйича ҳамкорлик ҳақидаги қонунни қабул қилган.

Ол Сонийнинг айтишича, миллий қўшинлар мамлакат билан содир бўлган жорий ихтилоф билан боғлиқ ҳеч қандай хатти-ҳаракатлар амалга оширмаган, уларнинг жойлашиш ўрни ўзгармаган.

Тайёрлаган Шуҳрат Раҳимов

#Туркия #Қатар #қўшинлар

Форс кўрфазида жиддий сиёсий инқироз юзага келди. Саудия Арабистони, Миср, Баҳрайн, БАА, Яман, Ливия ва Мальдив бошқа бир араб давлати Қатар билан дипломатик алоқаларни узди. Бунга Қатар Эронни ва терроризмни қўллагани сабаб сифатида кўрсатилмоқда.