Амстердамда ҳайдовчи одамларни уриб кетди

Фото: twitter.com/_Infidoll

Амстердам марказий темир йўл вокзали ёнида ҳайдовчи пиёдаларни уриб кетди. Бунинг оқибатида 8 киши жароҳат олган, деб хабар бермоқда BNO News нашри.

Таъкидланишича, полициячилар машина қўйиш тақиқланган жойда турган автомобиль ёнига боришганда унинг ҳайдовчиси воқеа жойидан қочиб кетмоқчи бўлган ва бир неча пиёдаларни уриб кетган. Сўнгра деворга бориб урилган.

"8 киши жароҳат олди, улардан 2 нафари шифохонага олиб кетилган. Қолганларга жойида ёрдам кўрсатилди. Ҳайдовчи қўлга олинган ва сўроқ қилинмоқда. Автомобиль кўздан кечирилмоқда", деб маълум қилган полиция вакили.

Полициячилар маълумотларига кўра, воқеа террорчилик билан боғланмаган.