Қўшимча функционаллар
-
Тунги кўриниш
Жаҳон | 15:07 / 13.06.2017
13175
1 дақиқада ўқилади
Daily Mail Қримни Россия ҳудуди сифатида кўрсатди, Киев бундан дарғазаб
Фото: РИА "Новости"
Украинанинг Буюк Британиядаги элчихонаси маҳаллий Daily Mail нашри томонидан эълон қилинган мақолага изоҳ берди. Унда Қрим Россия ҳудуди сифатида кўрсатилган.
Дипломатик ваколатхонадагиларнинг фикрича, газета шу тариқа Россия президенти Владимир Путин сиёсатини қўллаб-қувватлашга уринган.
«Қрим – бу Украина. Daily Mail’нинг фитна кайфиятидаги мақоласига қарамай, бу ҳеч қандай эффект бермайди ҳамда жаноб Путинга ўз ишқибозларини кўпайтиришда ёрдам кўрсатмайди», - дея таъкидланади элчихонанинг твиттердаги саҳифасида.
Аввалроқ Британиянинг Daily Mail нашри Қримда Икки жаҳон уруши вақтида денгиз минасини портлатиш ҳақидаги матнида ярим оролни Россия минтақаси сифатида кўрсатди.
