Фото: ©REUTERS/Clodagh Kilcoyne
Ирландия парламенти қуйи палатаси – Дойл депутатлари "Fine Gael" (Бирлашган ирландлар) партиясининг янги етакчиси Лео Варадкар номзодини Ирландия бош вазири лавозимига маъқуллашди.
Яқин соатларда Варадкар давлат раҳбари қароргоҳига бориб, президент Майкл Хиггинс қўлидан ижроия ҳокимиятининг атрибути – идора муҳрини олади. 14 июнда у янгиланган вазирлар маҳкамаси таркибини эълон қилиши кутилмоқда.
Лео Варадкар 18 майга ўтар кечаси "Fine Gael" етакчиси ваколатларини топширган, эндиликда собиқ бош вазир Энда Кенни ўрнини эгаллайди. 2 майда Варадкар партия ичидаги сайловларда 60 фоиз овоз олиб, ўзининг ягона рақиби Саймон Коувенини ютиб чиққанди ва шу тариқа Ирландия бош вазири лавозимига асосий даъвогарга айланганди.
