Қорақалпоғистон Республикаси иқтисодиёт вазирлигига янги раҳбар тайинланди, деб хабар бермоқда Kruz.uz.
Қорақалпоғистон Республикаси Вазирлар Кенгашида ахборот-таҳлил бошқармаси раҳбари сифатида ишлаб келаётган Тажетдинов Айбек Алтинбекович Қорақалпоғистон Республикаси иқтисодиёт вазири этиб тайинланган.
Ўтган йилнинг октябр ойида иқтисодиёт вазири Сариев Қаҳрамон Раметуллаевич Қорақалпоғистон Республикаси Вазирлар Кенгаши раиси этиб тайинланган ва Данияров Сайлавбай Сапарбаевич унинг ўрнини эгаллаган эди.
Шу йилнинг май ойида эса С.Данияров Мўйноқ туманига ҳоким этиб тайинланганди.
