Германияда оммавий муштлашув, 15 полициячи жароҳат олди

Фото: Polizei

Германиянинг Магдебург шаҳрида оммавий муштлашув рўй берди, унинг давомида 15 нафар полициячи жароҳат олди. Бу ҳақда Bild хабар бермоқда.

24 июнга ўтар кечаси маст ҳолатда бўлган 150 киши полициячилар билан муштлашув келтириб чиқарган. Ёш йигитлар ҳуқуқ-тартибот ходимлари билан тўқнашув вақтида уларга қарата тош ва шиша синиқларини отишган.

Муштлашув натижасида бир полициячи бошидан оғир жароҳат олди, яна 14 нафари енгил даражада жароҳатланди.

Вазиятни назоратга олиш учун ҳодиса жойига юздан ортиқ ҳуқуқ-тартибот ходимлари етиб келишган.