АҚШда “Касперский Лабораторияси” маҳсулотидан фойдаланиш тақиқланиши мумкин

АҚШ сенаторлари Россиянинг “Касперский Лабораторияси”га тегишли барча дастурий таъминотдан фойдаланишни тақиқлаш талаби билан чиқди. Бу ҳақда Reuters хабар бермоқда.

Тегишли тузатишларни киритиш ташаббуси демократ-сенатор Жанна Шаҳиндан чиққан. Унинг маълум қилишича, “компания ва Кремль ўртасидаги алоқалар жуда хавотирли”.

АҚШ маъмурияти вакиллари ва сенаторларнинг маълум қилишича, компанияга “муҳим инфратузилма ҳимояси, айниқса, мамлакат хавфсизлиги учун ҳаётий аҳамиятга эга компьютер тизимлари ҳимоясини ишониш мумкин эмас”.

Таъкидланишича, қонун лойиҳаси сенат ва вакиллари палатаси томонидан кўриб чиқилиши даркор.