Россия мудофаа вазирлиги расмий вакили генерал-майор Игорь Конашенков Британия ҳарбий маҳкамаси раҳбари Майкл Фэллоннинг “Қиролича Елизавета” янги авиаташувчиси Россиянинг “Адмирал Кузнецов” ҳарбий кемасидан устунроқ экани ҳақидаги баёнотига изоҳ берди. У Британия кемасини “қулай денгиз нишони” деб атади.
“Авиаташувчидан фарқли равишда “Адмирал Кузнецов” зенитли, қайиқларга қарши ва энг асосийси, кемаларга қарши “Гранит” ракета қуроли билан жиҳозланган. Британия авиаташувчиси – шунчаки қулай денгиз нишони”, - дея Конашенковнинг сўзларини келтиради РИА Новости.
Унинг қўшимча қилишича, Британия авиаташувчиси четдан ёрдамсиз, уни ҳимоя қилувчи кемалар қуршовида фақатгина самолётларни чиқариши мумкин.