Сурия армияси Ҳалаб вилоятини ИШИД жангариларидан бутунлай тозалади. Бу ҳақда RT мухбири билан суҳбат чоғида Сурия араб республикаси мудофаа вазирлигининг сиёсий бошқармаси раҳбари, генерал Самир Сулаймон маълум қилган.
«Сурия армияси Ҳалаб ҳудудини тўла озод қилди», — деган у.
Унинг сўзларига кўра, айни вақтда вилоятда «ИШИДга тегишли ҳудуд қолмаган».
Ҳарбий амалдорнинг қайд этишича, ҳукумат кучлари Раққадан Ҳамага олиб борувчи трассани эгаллагач, жангарилар ўзларининг вилоят ҳудудидаги охирги позицияларини ташлаб кетишган.
