Фото: РИА "Новости"
Россия президенти Владимир Путин Иордания қироли Абдулла II билан телефон мулоқоти ўтказди, дея хабар берилди Кремль сайтида.
Суҳбат Иордания томонининг ташаббуси билан бўлиб ўтган.
Икки давлат етакчилари Яқин Шарқ минтақасидаги вазият, халқаро терроризм билан курашдаги умумий саъй-ҳаракатларни муҳокама қилишган.
«2017 йилнинг 7 июль куни Амманда Россия, Иордания ва АҚШ ўртасида имзоланган Сурия жануби-ғарбида жанговар ҳаракатлардан холи ҳудудни ташкил этиш бўйича Меморандумнинг аҳамияти таъкидлаб ўтилди. У Сурия Араб Республикасининг бошқа туманларида ҳам жанговар ҳаракатларни тўхтатиш режимини ўрнатишда ёрдам бериши лозим», - дейилади хабарда.
