Миср Қатар билан виза режимини жорий этмоқда

Фото:aa.com.tr

Миср ҳукумати Қатар билан виза режимини тиклаш ҳақида қарор қабул қилди. Бу ҳақда «Анадолу» хабар бермоқда.

Мисрнинг барча назорат-ўтказиш пунктлари виза режими киритилиши ҳақида хабардор этилди. Бу қарор 20 июль, пайшанба кунидан кучга киради ва оддий ҳамда дипломатик паспорт эгаларига тегишли бўлади.

Қатарлик сайёҳлар учиб келганларидан сўнг, аэропортда уч ойлик визани олишлари мумкин. Виза Мисрнинг тегишли идораларига мурожаат қилинган тақдирда чўздириб берилиши мумкин.

Аввал Қатар фуқаролари Мисрга визасиз асосда боришлари мумкин эди.

#виза #Қатар #Миср

Форс кўрфазида жиддий сиёсий инқироз юзага келди. Саудия Арабистони, Миср, Баҳрайн, БАА, Яман, Ливия ва Мальдив бошқа бир араб давлати Қатар билан дипломатик алоқаларни узди. Бунга Қатар Эронни ва терроризмни қўллагани сабаб сифатида кўрсатилмоқда.