Франция бош штаби бошлиғи Макрон билан келиша олмагани туфайли истеъфога чиқди

Франция армиясининг бош штаби бошлиғи Пьер де Вилье истеъфога чиқди, деб хабар бермоқда Le Figaro.

Хабар қилинишича, бош штаб бошлиғи бундай қарорни мамлакат президенти Эммануэль Макрон билан юзага келган можаро фонида қабул қилган. Келишмовчилик мудофаа соҳасидаги бюджетни қисқартиришга боғлиқ бўлган.

Таъкидланишича, аввалроқ бош штаб бошлиғининг ваколатлари 2018 йилнинг июлига қадар узайтирилганди.