Ироқ ва Эрон мудофаа соҳасидаги ҳамкорликни янада кучайтиради

Ироқ мудофаа вазири Ирфон ал-Хаёлий Теҳронга келди, бу ерда у эронлик ҳамкасби Ҳусайн Деҳқон билан музокаралар ўтказади, дейилади Эрон мудофаа вазирлиги хабарида.

"Ироқ мудофаа вазирининг Теҳронга ташрифи давомида Эрон ҳамда Ироқ ўртасида мудофаа соҳасида ҳамкорлик тўғрисидаги меморандумни имзолаш режалаштирилган", - дейилади мудофаа вазирлиги сайтида эълон қилинган баёнотда.

Ал-Хаёлий Теҳронга Эрон мудофаа вазирлиги раҳбарининг расмий таклифига кўра ташриф буюрди. Ироқлик вазирнинг ташрифидан кўзланган асосий мақсад – Теҳрон ва Бағдод ўртасида мудофаа соҳасидаги ҳамкорликни ривожлантириш.