Ўзбекистон валюта бозорини либераллаштиришда халқаро молиявий институтлар кредитларини жалб этмайди. Халқаро Пресс-клубда бўлиб ўтган сессияда иштирок этган Молия вазири ўринбосари Мубин Мирзаев шундай баёнот берди.
Мирзаевнинг қайд этишича, аслида қоидага кўра, валюта бозорини либераллаштиришни режалаштирган ҳукумат учун 3 ойлик импортга етадиган захира маблағи бўлиши етарлидир. Ўзбекистоннинг бу борадаги захираси 2 йиллик импорт қийматига тўғри келади.
Бунда, унинг қўшимча қилишича, Ички истеъмол бозорида нарх-навони барқарорлаштиришга кўмаклашувчи жамғарма валюта ислоҳоти давомида инфляциянинг салбий оқибатларига қарши курашади.
У Жамғарма 100 млн доллар қийматига тенг эканини айтар экан, бу маблағлар биринчи галда зарур бўлган маҳсулотлар нархини бир маромда ушлаб туриш учун ишлатилади.
