Аҳолини тоза ичимлик суви билан таъминлаш бугуннинг долзарб масалаларидан биридир. Айни кунларда бу масалани ўз ўрнида ҳал этиш борасида кенг кўламли ишлар амалга оширилмоқда. Буни Сурхондарё вилояти мисолида ҳам кўриш мумкин.
Вилоят ҳокими Эркинжон Турдимов Facebook ижтимоий тармоғидаги ўз саҳифасида маълум қилишича, вилоятнинг Музработ туманида 240 метр чуқурликдан соатига 180 тонна тезлик билан сув чиққан.
“Лаборатория таҳлилларига кўра, бу сув барча стандарт талабларига жавоб берадиган истеъмолга яроқли эканлиги аниқланди”, дейилади берилган маълумотда.
