Ўзбекистонда инглиз футболчиси тўп суради

Австралия чемпионатининг «Пёрт Глори» жамоаси аъзоси Ростин Гриффитс фаолиятини Ўзбекистонда давом эттириши мумкин. Бу ҳақда Sports.Uz сайти хабар тарқатди.

Манба берган хабарга кўра, 29 ёшли яримҳимоячи Олий лиганинг етакчи клубларидан бири билан шартнома имзолаши кутилмоқда.

Бироқ сайтда Гриффитсни миллий чемпионатимизнинг қайси жамоаси билан оғзаки келишувга эришгани ҳақида маълумотлар берилмаган. Tribuna.Uz манбалари берган маълумотга кўра, футболчи катта эҳтимол билан Тошкентнинг «Пахтакор» клуби сафига ўтиши мумкин. Унинг Ўзбекистондаги йиллик маоши камида 600 минг долларни ташкил қилади.

Маълумот ўрнида, келиб чиқиши асли англиялик бўлган ушбу яримҳимоячи фаолиятини «Блэкберн Роверс» жамоасида бошлаган.

Сўнгра, Шотландиянинг «Гретна», Англиянинг яна бир жамоаси  «Аккрингтон Стэнли»,  Нидерландиянинг «Рода»,  Австралиянинг «Аделаида Юнайтед», «Сентрал Кост Маринерс», «Норт Квинсленд Фури» ва «Перт Глори» жамоаларида тўп сурган.