Мирзиёев Вьетнам президентига ҳамдардлик билдирди

Ўзбекистон Республикаси Президенти Шавкат Мирзиёев Вьетнам Социалистик Республикаси Президенти Чан Дай Куанга ушбу мамлакат шимолида юз берган ҳамда кўплаб инсонларнинг ҳалок бўлиши ва вайронагарчиликларга олиб келган кенг кўламли сув тошқини муносабати билан мактуб йўллади. Бу ҳақда ТИВ матбуот хизмати хабар берди.

“Самимий таъзиямни қабул қилишингизни ҳамда ҳалок бўлганларнинг оила аъзолари ва яқинларига ҳамдардлик ва далда сўзларимни етказишингизни сўрайман, жабр кўрганлар тезроқ соғайиб кетишини тилайман”, - дейилади давлат раҳбари мактубида.

Аввалроқ Вьетнамдаги сув тошқинларида 26 киши ҳалок бўлгани, талафот қиймати 41 миллион долларни ташкил қилаётгани ҳақида хабар берилганди.