Британия соҳилларига улкан қувурлар чиқиб қолди

Фото: Twitter

Буюк Британиянинг шарқий соҳилбўйида, Норфолк графлигида иккита улкан пластик қувур аниқланди. Воқеа жойидан олинган видеони Euronews телеканали намойиш қилди.

Таъкидланишича, қувурлар узунлиги бир неча юз метрга, диаметри эса 2 метрга етади. Ҳукуматнинг айтишича, қувурлар Жазоирдаги йирик лойиҳа учун мўлжалланган бўлган, бироқ ташилиши вақтида денгизга тушиб кетган.

Қувурлар одамлар ва атроф-муҳит учун ҳеч қандай хавфга эга эмас. Йўқолиб қолган қувурлар яқин орада у ишлаб чиқарилган Норвегияга қайтарилади.

Таъкидлаш жоизки, ушбу қувурлар соҳил бўйлаб сайр қилиб юрган одамларни қўрқитиб юборган. Бир кекса жуфтлик ҳаттоки уни аждарҳо деб ўйлаган.