Каракасдаги метро бекатида портлаш юз берди

Фото: Twitter/@luasxelt

Венесуэла пойтахти Каракас шаҳри метросининг бекатларидан бирида портлаш содир бўлди, натижада йўловчиларнинг эвакуацияси амалга оширилди. Бу ҳақда El Nacional нашри маҳаллий аҳолининг ижтимоий тармоқлардаги ёзувларига асосан хабар берди.

Таъкидланишича, портлаш шаҳар марказида жойлашган “Венесула майдони” бекатида рўй берган.

Шу билан бирга, метрополитен раҳбариятининг маълум қилишича, йўловчиларнинг эвакуациясига “тиркамасиз поезд” сабаб бўлган, у поездлар ҳаракатидаги узилишларга олиб келган.

Айни дамда жабрланганлар ҳақида маълумот йўқ.