Ҳиндистон Marlboro ишлаб чиқарувчиларини жазога тортмоқчи

Фото: Reuters

Ҳиндистон Соғлиқни сақлаш вазирлиги Филипп Моррис компаниясини мамлакатда қабул қилинган анти-тобакко қонун бандларини бузиб келаётгани ва бу ҳаракат давом этса, расмий ҳукм орқали жазога тортилишини билдирди.

Дунёга машҳур сигарет бренди Marlboro ишлаб чиқарувчилари айёрона маркетинг услубидан фойдаланишда, реклама орқали кашандаликни очиқ тарғиб этиш ҳамда тақиқланган жойларда эркин савдога йўл қўйиб беришда айбланмоқда.

Ҳозирча компания расмийлари жавоб хатини йўлламаган, баёнот ҳам берилмаган. Маҳаллий қонунчиликка кўра, вояга етмаган шахсга сигарета сотган тадбиркор 1000 рупия (15 доллар қийматга тенг) миқдоридаги жаримага тортилади.