Дубайда полициячини калтаклаган ўзбекистонлик 3 ойлик қамоқ жазосига ҳукм қилинди
Дубай суди томонидан ўзбекистонлик 26 ёшли йигит уч ойлик қамоқ жазосига ҳукм этилди. У амирлик аэропортида полициячига ҳужум қилган. Айбланувчи жазо муддати якунига етганидан сўнг депортация қилинади, деб хабар бермоқда Khaleej Times.
18 май куни йигит зобит ҳужжатларини сўраганида жаҳли чиқиб кетган. У полициячига қарата стулни отган ва унга бир неча бор зарба берган.
Ҳужумдан жабрланган 34 ёшли зобитнинг билдиришича, у айбланувчининг фақатгина ҳужжатларини текширмоқчи бўлган. Ўзбекистон фуқароси эса хона эшигини ёпиб қўйиб, хонага бошқа бир полициячи киргунига қадар уни дўппослаган.
Айбланувчи кўрсатмасига кўра, у Дубай Халқаро аэропортининг 1-терминалида Ўзбекистонга йўл олувчи рейсга чиқиши лозим бўлган. Эркак 10 йил давомида яшаган Мисрдан қайтаётгани айтилган.
“Мен унинг офисига кирдим, ҳамда у чипта ва шахсий ҳужжатларим ҳақида сўрай бошлади. Мен ҳаяжонда ва дарғазаб ҳолатда эдим, сабаби мени ота-онам истиқомат қилувчи Мисрдан депортация қилишди”, - деган айбланувчи.
Мавзуга оид
18:41 / 27.09.2024
Бурж Халифа: дунёни ҳайратга солаётган осмонўпар бино
13:50 / 13.09.2024
Дубайдан Тошкентга учиши керак бўлган авиарейс мажбуран бекор қилинди
21:12 / 08.09.2024
Россияда ўзбекистонликнинг ўлимига сабаб бўлган полициячилар судланади
19:31 / 07.09.2024