Россияда ўзбекистонликнинг ўлимига сабаб бўлган полициячилар судланади

Полициячилар 45 ёшли мигрантни ўрмонга ташлаб кетишган, унинг жасади бир неча ойдан кейин топилган. Уни ҳайвонлар еб кетгани таъкидланмоқда.

Фото: РИА Новости

Москва вилоятида Ўзбекистондан келган мигрантни ўрмонда унутиб қолдирган икки полициячи судланади. Эркакнинг жасади бир неча ойдан кейин топилди, деб хабар берди Mash.

Шу йил май ойида ҳуқуқ-тартибот идоралари ходимлари 45 ёшли мигрантни маст ҳолда қўлга олиб, Дуброво ва Загряжская қишлоқлари орасидаги ўрмонга «ўзига келиши учун» ташлаб кетишган. Таъкидланишича, улар мигрантни олиб кетиш учун қайтиб келишмаган, оқибатда у ўрмонда адашиб қолган.

Шундан сўнг, Ўзбекистон фуқаросининг яқинлари уни қидирувга берган. Унинг қолдиқлари фақат сентябр ойида топилган - уни ҳайвонлар еб кетган.

Хабарга кўра, жабрланувчини охирги бўлиб кўрган кичик лейтенант ва катта сержант қўлга олинган. Полиция ходимлари ишдан бўшатилгани ва ваколатларини суиистеъмол қилгани учун судга тортилишни режалаштирилгани таъкидланмоқда.