Франция ташқи сиёсатининг асосий вазифаси маълум қилинди

Фото: AP

Франция президенти Эммануэль Макроннинг Парижда элчилар билан учрашувда маълум қилишича, терроризм билан кураш, айниқса, Сурия ва Ироқда, - Франция ташқи сиёсатининг асосий вазифасидир.

Бу ҳақда Associated Press хабар бермоқда.

Макроннинг сўзларига кўра, ИШИД террорчилик ташкилоти «умумий душман» саналади.

Франция етакчисининг маълум қилишича, Парижда келаси йили «терроризмни молиялаштиришни тўхтатиш» масаласи бўйича халқаро саммитини ташкил этиш ниятида.

Аввалроқ Макрон жаҳон тартибини биргаликда ўрнатиш кераклиги ҳақида баёнот берганди.