Макрон Лукашенкони Украина низосига аралашмасликка чақирди

Франция президенти Эмманюэл Макрон Беларус президенти Александр Лукашенко билан телефон орқали қилган мулоқотида уни Минскнинг Украина низосида иштирок этишига йўл қўймасликка чақирди. Бу ҳақда Agence France Presse хабар берди.

"Франция президенти Беларус Украинадаги урушга қўшилган тақдирда дуч келиши мумкин бўлган хавфлар ҳақида огоҳлантирди. У шунингдек, Лукашенкони Беларус ва Европа орасидаги муносабатларни яхшилаш учун зарур қадамлар ташлашга чақирди", - дея иқтибос келтирди агентлик ўз манбасига таяниб.

Аввалроқ "Пул первого" Telegram-канали икки давлат етакчилари телефон орқали мулоқот қилгани ҳақида хабар берганди. Таъкидланишича, суҳбат Франция томонининг ташаббуси билан ўтказилган.

Лукашенко ва Макрон охирги марта 2022 йил 26 февралда телефон орқали мулоқот қилганди.