Америкалик рассом Стефани Лей Роуз саёҳатлари давомида оладиган суратлари сабабли инстаграм юлдузига айланди. Унинг фотосуратлари сайёҳлар дунёнинг диққатга сазовор жойлари олдида ўзларини суратга оладиган селфиларга асло ўхшамайди.
Гап шундаки, Стефани сайёҳлар орасида оммалашган жойларда юз тубан ҳолда мурда қиёфасида суратга тушади. Жумладан, у бундай антиқа ҳолатда Париждаги Эйфель минораси ва Лувр музейи, Римдаги Колизей, Лондондаги Букингем саройи олдида ва бошқа кўплаб машҳур жойларда суратга тушган.
