Нигерияда жангарилар ҳужуми оқибатида 18 киши ҳалок бўлди

“Боко ҳаром” террорчилик гуруҳи жангарилари Нигериянинг Банки аҳоли пункти аҳолисига пичоқлар билан ҳужум қилишди. Ҳужум оқибатида камида 18 киши ҳалок бўлган, деб хабар бермоқда Reuters ахборот агентлиги. 

Маълумотларга кўра, ҳужум 1 сентябрь кечаси содир этилган. 

Таъкидланишича, охирги вақтда Нигерия шимоли-шарқида ҳужумлар сони кўпайган. Улар оқибатида 1 июндан то ҳозиргача камида 172 киши ўлдирилган.