Apple акциялари нархи iPhone X тақдимотидан кейин тушиб кетди

Фото: РИА «Новости»

Apple компанияси акциялари нархи компаниянинг янги маҳсулоти iPhone X тақдимотидан кейин 163,54 доллардан 159,51 долларгача тушиб кетди. Эҳтимол, бу сармоячиларнинг тақдимотдан ҳафсалалари пир бўлгани билан боғланган бўлиши мумкин.

iPhone X 3 ноябрдан, iPhone8 ва iPhone8 plus 22 сентябрдан сотувга чиқади.

The Wall Street Journal нашри маълумотларига кўра, компания смартфонларни сотувга ёздаги ишлаб чиқаришдаги ушланишлар сабабли бир ойлик кечикиш билан чиқармоқда. Жадвалдан қолишни камайтириш мақсадида компаниянинг Хитойдаги заводида янги ишчилар ёлланганди.