Фото: Yuri Gripas/Reuters
АҚШ давлат котиби Рекс Тиллерсон Шимолий Кореянинг тажовузкорлиги бутун дунёга хавф солаётганини айтди, деб хабар бермоқда Reuters ахборот агентлиги.
“Шимолий Кореядаги тузум Жанубий Корея ва Япониядаги демократияга хавф солмоқда ҳамда бундан ҳам муҳимроқ ва яқинда юз берган нарса шу бўлдики, у АҚШга таҳдид сола бошлади, бу эса бутун дунёга хавф солади”, деб айтган Тиллерсон.
15 сентябрда Шимолий Корея Япония томон ракета учирди. Ракета 3700 км учиб ўтиб, Япониянинг Хоккайдо оролидан 2000 км узоқликда денгизга тушган.
