АҚШ Иқлим бўйича Париж келишувини тарк этмайди, балки ундаги иштироки шартларини қайта кўриб чиқишга уриниб кўради. Бу ҳақда 16 сентябрда The Wall Street Journal нашри маълум қилди.
Бу ҳақда нашрга испаниялик сиёсатчи, иқлим бўйича еврокомиссар Мигель Ариас Каньете маълум қилди. Унинг айтишича, Вашингтон атмосферага зарар чиқиндиларни чиқаришни камайтириш бўйича келишувдаги мақсадларни тўғрилаб олишни истамоқда. “Америкаликлар янгидан келишув тузиш ёки Париж келишувига параллел келишувни ишлаб чиқишни истамасликларини билдириб қўйдилар”, деб айтган Каньете.
