Мексикадаги зилзила қурбонлари сони ортишда давом этмоқда 

Мексика миллий қутқарув хизмати раҳбари Луис Фелипе Пуэнтенинг маълум қилишича, 19 сентябрь куни юз берган кучли зилзила оқибатида ҳалок бўлганлар сони ҳозирги пайтга келиб 286 кишини ташкил этмоқда. Бу ҳақда у твиттердаги саҳифасида ёзган.

Унинг сўзларига кўра, мамлакат пойтахтида 148 инсон ҳаёт билан видолашган. Шу билан бирга, Морелос штатида – 73, Пуэблада – 45, Мехико штатида – 13, Геррерода – 6, Оахакада – 1 инсон ҳалок бўлди.

Мексика яқинида 7,1 магнитудали кучли зилзила 19 сентябрь кечқурун юз берди. Мамлакат ҳукумати маълумотларига кўра, 2 мингдан ортиқ инсон жабрланган.

Мексикадаги зилзилалар вақтида ит 52 кишининг ҳаётини сақлаб қолди