Қўшимча функционаллар
-
Тунги кўриниш
АҚШда товуш тезлигидан тез учувчи самолёт прототипи яратилди
Фото: Spike Aerospace / Facebook
Собиқ иттифоқнинг товуш тезлигидан тез учувчи афсонавий Ту-144 ва Франциянинг "Конкорд" самолётларининг S-512 код номини олган вориси АҚШнинг Spike Aerospace компанияси томондан яратилди. Самолёт ҳозирча технологияларни намойиш қилувчи кичикроқ ўлчамдаги нусхада яратилган, деб хабар бермоқда Aviation Week нашри.
Айнан шу прототипда илк синов парвозлари амалга оширилади. S-512 ўзининг охирги парвозини 2003 йилда амалга оширган "Конкорд" даври якунлангандан кейинги товуш тезлигидан тез учувчи илк самолёт бўлади. Француз самолётлари ва Ту-144 чипталари қимматлиги ва ёнилғини кўп сарфлаши сабабли фойдаланишдан олинганди.
Америкалик муҳандислар самолётни тежамлироқ ва чипталарини арзонроқ қилишмоқчи. Бироқ Ту-144 ва "Конкорд"дан фарқли, янги самолёт ўз бортига анча камроқ йўловчи олади: у 22 нафар йўловчини 11,5 минг км масофага элтиб қўйиши мумкин. Таъкидланишича, прототипнинг парвозлари 2019 йилда ўтказилади, унинг тўлақонли варианти эса ўзининг илк парвозини 2021 йилда бажаради.
Мавзуга оид
08:22 / 03.07.2023
Россия Мудофаа вазирлиги Пригожиннинг "Конкорд" компанияси билан шартномани бекор қилди
14:23 / 24.07.2022
Ўзини оқламаган лойиҳа: товушдан тез учувчи Ту-144 самолёти францияликлардан ўғирланганми?
12:46 / 13.03.2022