Биринчи арман электромобили яратилди
Арманистонда илк ҳайдовчисиз электрокар яратилди. Автомобиль прототипи Еревандаги DigiTec-2017 технологиялар кўргазмасида намойиш қилинди.
Автомобиль арманистонлик муҳандислар ва тадбиркор Давид Геворгян томондан яратилган. Машина соатига 90 км тезлик билан юра олади, бироқ бир қувватланишда 40-50 км йўл босади. Келгусида муҳандислар юриш захираси кўрсаткичини 200 км гача етказишмоқчи. Машина аккумуляторлари 2-3 соат давомида қувватланади.
Naked Science нашрининг маълум қилишича, Арманистонда машинанинг қувватлаш ва тормоз тизимлари ишлаб чиқилган, электродвигатель ва батареялар комплекти хорижий компаниялардан сотиб олинган.
Машина видеокамера ва радар билан жиҳозланган ва бунинг эвазига у объектларгача бўлган масофа ва уларнинг ҳаракатланиш тезлигини аниқлай олади. Автопилот тизими ҳозирда лабораториядаги махсус тренажёрда синовдан ўтказилмоқда.
Геворгяннинг айтишича, машина нархи 6-8 минг доллар туради. Бироқ модел серияли ишлаб чиқаришга қўйилганда унинг нархи камаяди. Ҳозирда машинани ишлаб чиқариш учун сармоялар қидирилмоқда.
Мавзуга оид
20:33 / 18.09.2024
Арманистонда давлат тўнтаришига уринишнинг олди олинди
00:10 / 10.09.2024
Арманистон Европа Иттифоқи билан визасиз режим бўйича музокараларни бошлади
21:15 / 03.09.2024
ФҚБ арманистонлик талаба Туркия ва Озарбойжон элчихоналарига ҳужум уюштиришни режа қилганини аниқлади
23:18 / 31.08.2024