Ҳозирги кунда Навоий шаҳар Ички ишлар бўлими ҳузуридаги тергов бўлимида, ушбу шаҳарда жойлашган масъулияти чекланган жамият раҳбари 1974 йилда туғилган Ф.Т.га нисбатан Ўзбекистон Республикаси Жиноят кодексининг 168-моддаси 3-қисми билан жиноят иши қўзғатилган. Бу ҳақда Ўзбекистон Республикаси ИИВ матбуот хизмати хабар бермоқда.
Ф.Т.нинг устидан келиб тушган аризада, у Навоий шаҳрининг 18-микрорайон ҳудудида янги қурилаётган кўп қаватли уйлардан 8 та икки хонали ва 4 та бир хонали уйларни олиб беришини ваъда қилиб, фуқаролардан 1 млрд. 30 млн. 400 минг сўм пулни олиб, қочиб юргани кўрсатилган.
Фирибгар раҳбар ички ишлар ходимлари томонидан ушланди.
