Эрдўған АҚШни ёлғончиликда айблади

АҚШнинг Истанбулдаги бош консуллиги ходими, Туркия томондан ҳисбга олинган Метин Топуз  билан учраша олмаётганини таъкидлаётган АҚШ вакиллари ёлғон сўзлашмоқда, деб айтди Туркия президенти Ражаб Тоййиб Эрдўған. 

"АҚШ бутун дунё бўйлаб ёлғон гапиради! Уларнинг консуллиги ходими 4 октябрда ҳибсга олингандан кейин ҳеч ким у билан учрашишни сўрамаган. Уларга ходимларига қўйилган айбловлар ҳақидаги ҳужжат керакми? Уни ташқи ишлар вазирлиги эмас, суд беради", деб айтган президент. 

Унинг айтишича, Анқарани ўзини Туркиянинг ҳамкорлари деб атайдиган давлатлар иккиюзламачилиги ташвишлантирмоқда. "Юзма-юз кўришганда улар ваъдалар ва кафолатлар берадилар, орқамиздан эса ифлос ишлар қилишади. Бу ишлар шунчалик кўриниш олдики, уларни яширишнинг бошқа иложи йўқ", деб айтди Эрдўған. 

4 октябрда АҚШнинг Истанбулдаги бош консуллиги ходими Метин Топуз ҳибсга олинганди. Унга қарши Фатҳулла Гулен ташкилоти билан алоқадорлик, жосуслик айблари қўйилган. Вашингтон бунга чора сифатида турк фуқароларига визалар беришни тўхтатган. Туркия эса бунга худди шундай акс чора билан жавоб берган.