Трамп Эрон ядровий битими тўлиқ бекор қилиниши мумкинлигини айтди

Фото: AP Photo / Evan Vucci

АҚШ президенти Дональд Трамп 16 октябрда Эрон билан тузилган ядровий битимнинг тўлиқ бекор қилиниши мумкинлигини айтди. Бу ҳақда "Франс Пресс" ахборот агентлиги хабар бермоқда.

"Эрон билан битим ўрганилмоқда. Фикримча, кўпчилик одам мен қилган ишдан рози. Мен қилган ишим тўғрилигига ишончим комил. Мен биздан фойдаланашаётгандан чарчадим. Мен буни кузатишдан чарчадим. Битим тўлиқ бекор қилиниши мумкин, бу ҳақиқатан ҳам юз бериши мумкин", деб айтган Трамп ҳукумат аъзолари билан учрашувда.

Трамп Оқ уй конгресс билан бирга ушбу битимнинг "жиддий камчиликлари" устида бирга иш олиб боришини айтган ва Эрон террорчиликни қўллаб-қувватлаётгани учун АҚШ унга санкциялар киритишига ваъда берган.