ИШИД пойтахти ишғол этилди

Фото: AP

ИШИД гуруҳига мансуб террорчиларнинг сўнгги макони Раққа шаҳри бўлиб турганди. AP нашрининг Байрутдаги манбаси хабар беришича, эндиликда ИШИДнинг сўнгги пойтахти ҳам ишғол этилди.

Маҳаллий вақт билан соат 14:00да АҚШ-Сурия ҳарбийларидан ташкил топган иттифоқчилар Раққа шаҳридаги террорчиларнинг бир нечта қароргоҳларига ҳужум уюштирган. Энг қонли тўқнашув марказий спорт стадионида юз берди. Генерал Талал Силлонинг айтишича, айни пайтда шаҳарда тўқнашувлар тўхтади. 22 нафар жангари жанг майдонида ҳалок бўлган, ўнлаб жангарилар жароҳатланган.

Силлонинг хабар қилишича, тез фурсатда террорчиларнинг пойтахти ҳукумат назоратига ўтгани ҳақида расмий баёнот берилади.

#ИШИД #Сурия #Раққа

Kun.uz янгиликларини Google News'да кузатинг

+ Обуна бўлиш