«Барселона» Кейн ва Эриксенни кузатмоқда

Испаниянинг El Mundo Deportivo нашрида ёзилишича, 17 октябрь куни Мадридда бўлиб ўтган «Реал» – «Тоттенҳэм» ўйинига «Барселона» клуби спорт директори Роберт Фернандес ҳам ташриф буюрган. 

Манбанинг айтишича, каталонияликлар «Тоттенҳэм»нинг икки футболчиси билан жиддий қизиқиб қолган, айнан шунинг учун ўйинга спорт директори жўнатилган. Бу футболчилар Кристиан Эриксен ва Ҳарри Кейндир. 

Маълумки, Ҳарри Кейнга Испаниянинг бошқа гранди «Реал» клуби ҳам жиддий қизиқиш билдирмоқда. Ҳатто Кейн учун Гарет Бэйлни «Тоттенҳэм»га қайтариш имкониятлари кўриб чиқилаётгани ҳақида хабарлар тарқалган.