АҚШнинг Forbes нашри дунёнинг энг ҳурмат қилинувчи компаниялари рейтингини тузди. Бу рейтингга турли соҳаларда фаолият юритувчи 250 та компания кирган.
Нашр таҳлилчилари талқинига кўра, бу борада 1-ўринни Германиянинг Siemens компанияси эгаллади. 2-ўрин Франциянинг шиналар ишлаб чиқарувчи компанияси Michelin’га, 3-ўрин Google’га эгалик қилувчи АҚШнинг Alphabet компаниясига насиб этган.
4- ва 5-ўринга мос равишда Япониянинг Nintendo корпорацияси ва Walt Disney кинокомпанияси қўйилган.
Етакчи ўнталикдан шунингдек Carlsberg, Apple, Ferrari, Hilton ва Panasonic компаниялари ўрин олган.
Siemens компанияси электротехника, электроника, энергетик ва тиббиёт қурилмалари ишлаб чиқариш, транспорт соҳаларида фаолият юритади. Компанияга 1847 йилда асос солинган.
