БМТ ва Аграр университети асаларичилик бўйича махсус тадбир ўтказди

2017 йилнинг 16 октябрь куни республика президенти томонидан “Республикамизда асаларичилик тармоғини янада ривожлантириш чора-тадбирлари тўғрисида” ги қароридан келиб чиққан ҳолда асаларичилик тармоғини бошқариш тизимини тубдан шакллантириш, тармоқда наслчилик ишларини илмий асосда ташкил этиш, асаларичилик хўжаликлари фаолияти самарадорлигини ошириш, асал маҳсулотлари ишлаб чиқариш ҳажми ва турларини янада кўпайтириш, асални қайта ишлаш бўйича замонавий технологияларни жорей этиш, соҳанинг экспорт салоҳиятини ошириш, шунингдек асаларичилик соҳасидаги илғор тажрибаларни республиканинг барча худудларида тадбиқ этиш мақсадида БМТ Озиқ-овқат ва қишлоқ хўжалиги ташкилотининг (FAO) Ўзбекистон Республикаси ваколатхонасиссадди ходимлари ҳамда Тошкент давлат аграр университети раҳбарияти, университет ТИЖ мутахассис факультет мутассадди ходимлари ҳамкорлигида “Асаларичилик соҳасини ривожлантиришда жаҳон тажрибасининг ўрни” номли IV-илмий-амалий семинар ўтказилди.

Семинар ўзара ҳамкорлик доирасида ташкил этилган бўлиб унда БМТ ташкилоти, озиқ-овқат ва қишлоқ хўжалиги ташкилотининг (FAO) ҳалқаро эксперти Мухсин Догар Углу маърузачи сифатида ташриф буюрди. Ҳалқаро эксперт Мухсин Догар Углу семинарга ташри буюрган асаларичилик соҳа мутахассиси бўлган б.х.ф.д. проф. А.И. Исомухамедов, хусусий тадбиркорлар Т.Т.Нишонов, Т.Э.Тошевлар ҳамда Тошкент давлат аграр университети профессор-ўқитувчилари, докторант ва мустақил тадқиқотчилар, иқтидорли магистрант ва талабаларига асаларичилик соҳаси буйича энг сунги янгилик ва ўз тажрибалари тўғрисида маълумот берди.

Маълумки тошкент давлат аграр университети Зоотехния ва балиқчилик факультети қошида Балиқчилик, паррандачилик ва асаларичилик кафедраси очилган бўлиб ушбу кафедра қошида эса “Ёш асаларичи” илмий тўгараги хам фаолият юритмоқда. Ташкил этилган илмий-амалий семинар эса ўз навбатида ёш бўлғуси соҳа мутахассисларининг илмий кўникмаларини оширишда катта ахамиятга эга.